Kryetari i Partisë Demokratike, Sali Berisha, ka prezantuar sot para Këshillit Kombëtar listën e kandidaturave për postet kryesore në strukturën drejtuese të partisë, duke theksuar një ripërtëritje bazuar në eksperiencë dhe duke respektuar parimet e statutit.

Gjatë fjalës së tij, Berisha rikujtoi se, në përputhje me vendimin e mëparshëm të Këshillit Kombëtar dhe statutin e Partisë Demokratike, dy poste nënkryetarësh janë ex-officio.

“Në kuadrin e dhe në frymën e Kuvendit, është menduar gjithashtu që një nga nënkryetarët të jetë përfaqësues i të rinjve të Partisë Demokratike dhe të Shqipërisë. Diaspora shqiptare, e cila po luan një rol të jashtëzakonshëm dhe mbetet një kundër kësaj diktature, mendojmë se duhet të ketë një nënkryetar të saj në kryesinë e Partisë Demokratike”, tha Berisha.

Ai prezantoi kandidaturat për nënkryetarë: Belind Këlliçi, Luçiano Boçi, Xhonatan Pano, Nikola Kedhi, Besa Manaj, Erisa Bajaziti. Nga këta gjashtë kandidatë do të zgjidhen tre nënkryetarë.

Kandidaturat për Sekretarë

Berisha paraqiti gjithashtu kandidaturat për postet e sekretarëve, ku për çdo pozicion ka dy kandidatë:

• Sekretar i Përgjithshëm: Flamur Noka, Saimir Korreshi
• Sekretar Organizativ: Agron Loka, Klevis Balliu
• Sekretar për Dixhitalizimin: Etion Kapedani, Renald Rista
• Sekretar për Burimet Njerëzore: Andi Mustafa, Mario Runa
• Sekretar për Urbanistikën dhe Territorin: Gentian Kaprata, Maksim Kola
• Sekretar për Çështjet Ligjore dhe Zgjedhore: Arlind Ahmetaj, Marash Logu
• Sekretar për Çështjet e Pronave dhe Luftën kundër Korrupsionit: Endira Bushati, Ledina Mandia
• Sekretar për Marrëdhëniet me Publikun: Denisa Kele, Vjola Kapedani
• Sekretar për të Drejtat e Njeriut: Franc Nuri, Ledio Nuraj
• Sekretar për Organizatat Partnere dhe Shoqërinë Civile: Eva Metaj, Malvina Lika
• Sekretar për të Përndjekurit Politikë: Lorenc Luka, Shkëlqim Lepenica
• Sekretar për Integrimin Europian: Fjoralba Dizdari, Silvia Hasaj
• Sekretar për Pushtetin Lokal: Agron Haxhimali, Ylli Asllani
• Sekretar për Emigracionin dhe Diasporën: Ethem Aga, Petrit Tafaj
• Sekretar për Aksionin Qytetar: Erges Eskiu, Jurgens Spaho

Komisioni për Apelimin

Për Komisionin për Apelimin janë propozuar: Adriana Kalaja, Ankelita Çela, Arsen Dushku, Besar Logu, Çajup Shehaj, Gentian Koçi, Lukas Hejdron, Mark Lleshi, Shaqir Manjani, Suina Asllanaj. Anëtarët e Këshillit Kombëtar do të zgjedhin pesë emra nga kjo listë.

Berisha nënvizoi se ky Sekretariat përfaqëson një ripërtëritje të strukturave, duke u bazuar në eksperiencën dhe praktikat e kandidatëve.

“Ky Sekretariat ka të gjithë vullnetin, ekspertizën dhe ju, të dashur anëtare dhe anëtarë të Këshillit Kombëtar, keni mundësi zgjedhje me kandidaturat që dëshironi”, tha ai.

/rtsh.al/