Kokaina e fshehur në pleh kimik në Frakull, ekstradohet nga Spanja një prej financuesve të trafikut

Aktualitet | 25 minuta më parë

Është ekstraduar nga Spanja në Shqipëri një prej personave të akuzuar për trafikimin e 485 kilogramëve kokainë, të zbuluara në vitin 2022 në fshatin Frakull e Madhe të Fierit. Bëhet fjalë për 49-vjeçarin  Kevin Margjoni alias Arjan Margjoni, i cili dyshohet se ka financuar dhe negociuar trafikimin e sasisë së drogës, të fshehur në thasë me pleh kimik.

Sipas Policisë së Shtetit, 49-vjeçari u ekstradua pas bashkëpunimit mes Interpolit shqiptar dhe homologëve në Madrid, në kuadër të operacionit ndërkombëtar “The Wanted”.

Ai ishte shpallur në kërkim ndërkombëtar, pasi në mars të vitit 2026, Gjykata e Posaçme i kishte caktuar masën e sigurisë “Arrest në burg”.

49-vjeçari akuzohet për trafikim të lëndëve narkotike, në bashkëpunim dhe në formën e grupit të strukturuar kriminal, si dhe për pjesëmarrje në grup të strukturuar kriminal.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme