Tenis, ATP Finals: Alcaraz dominon Medvedevin dhe kualifikohet në gjysmëfinale

Sport | 15 minuta më parë

Nuk ke si ta mposhtësh këtë Carlos Alcaraz, madje as kur ai përballet me një problem muskulor.

Daniil Medvedev e mësoi këtë në mënyrën më të vështirë gjatë ndeshjes së tyre të dytë në turneun “Nitto ATP Finals”, një përballje që i siguroi tenistit spanjoll si fitoren, ashtu edhe një vend në gjysmëfinale: rezultati përfundimtar ishte 2-0 (6-2, 6-4).

Thjesht nuk pati rivalitet përballë një Carlos Alcaraz të pandalshëm, i cili madje arriti të kapërcente një problem muskulor që kërkoi ndërhyrje mjekësore dhe vendosjen e një fashoje në kofshë.

Spanjolli ka regjistruar tashmë dy fitore në po aq ndeshje në turneun “Nitto ATP Finals”, duke iu bashkuar Sasha Zverevit në gjysmëfinale, pasi e mposhti Medvedevin në dy sete të pastra.

Ndonëse rusi u dominua nga rivali i tij në setin e parë dhe bëri një rezistencë më të fortë në të dytin, në fund u detyrua të dorëzohej; ndeshja përfundoi me rezultatin 6-2, 6-4, pas pak më shumë se një ore lojë.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme