Ndriçues LED në rrugët dytësore të Unazës së Madhe

Sociale | 3 vite më parë

Ndriçuesit në rrugët dytësore të Unazës së Madhe po zëvendësohen me dritat LED.

Lajmin e jep kryetari i Bashkisë së Tiranës Erion Veliaj, përmes një postimi në rrjete sociale. “Ndriçuesit në rrugët dytësore të Unazës së Madhe po zëvendësohen me dritat LED, të cilat ndihmojnë në cilësinë e shikueshmërisë dhe në kursimin e energjisë. Super!”, shkruan Veliaj.

Investimi është bërë i mundur nga bashkia e cila synon që në të ardhmen të shtohen rrugët që pajisen me një ndriçim të tillë.

Dritat LED, përveçse kursejnë energji elektrike deri në 65 për qind, ka kosto të lirë në mirëmbajtje dhe rrit cilësinë e ndriçimit. Teknologjia LED garanton qëndrueshmërinë dhe jetëgjatësinë e llambave, disa herë më tepër krahasuar me jetëgjatësinë e llambave aktuale.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.