Kryetari në detyrë i bashkisë së Himarës, Jorgo Goro u paraqit për herë të katërt në Strukturën e Posaçme Anti Korrupsion. Ndonëse SPAK nuk foli zyrtarisht për arsye e pranisë së Goros në mjediset e tij, burimet bëjnë me dije, se Goro u mor në pyetje për kallëzimin e bërë nga kryetari i zgjedhur i bashkisë Himarë, Fredi Beleri për tjetërsim pronash në Himarë.

Fredi Beleri e akuzon kryetarin në detyrë Jorgo Goro se ka trajtësuar një pronë në favor të të tretëve, pronë e cila, sipas Belerit pasi është blerë, është marrë statusi i investitorit strategjik nga biznesmeni Artan Gaçi, ish-deputet i Partisë Socialiste dhe bashkëshorti i ish-ministres së Jashtme Olta Xhaçka.

Në kallëzim shkruhet se, bëhet fjalë për një sipërfaqe toke prej 5512 metra katrorë, të përfituar në mënyrë të parregullt nga Foto Pavllo Mëhilli.

Gazetare: Flutura Tota

/rtsh.al/