Tre aksidente brenda një dite në Fier, automjeti del nga rruga dhe përfundon në kanal

Aktualitet | 3 vite më parë

Një tjetër aksident ka ndodhur këtë mbrëmje në Fier, duke e çuar në 3 numrin e aksidenteve brenda një dite.

Mbrëmjen e sotme një automjet ka dalë nga rruga në aksin Fier -Seman dhe ka përfunduar në kanalin anësor.

Aksidenti ka ndodhur në vendin e quajtur “Ura e Baçinozit” në aksin Fier- Seman. Në vendngjarje ka mbërritur menjëherë ambulanca dhe policia, ndërsa informacionet paraprake bëjnë me dije se drejtuesi i automjetit është plagosur dhe është dërguar urgjentisht drejt Spitalit Rajonal te Fierit.

Grupi hetimor po punon për zbardhjen e shkaqeve të këtij aksidenti të rëndë.

Ndërkaq, më herët, rreth orës 19:00 në aksin rrugor “Patos-Fier”, në fshatin Portëz, automjeti tip “Audi”, me drejtues shtetasin Xh. G., është përplasur me mjetin tip “Opel”, me drejtues shtetasi H. Rr., i cili ndodhet në spital, në kujdesin e mjekëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.