Policia e Shtetit ka paralajmëruar sërish qytetarët lidhur me sulmet e mundshme kibernetike drejtuar përdoruesve të aparateve celularë Apple, se disa persona po tentojnë të marrin të dhënat e tyre përmes mesazheve duke i joshur me pagesa.

Në reagimin e saj policia bënë me dije se , autorët që dërgojnë këto mesazhe, për të fituar besueshmëri, përdorin emërtimet e institucioneve të ndryshme shqiptare, siç është rasti i fundit i konstatuar, nga një adresë joreale e Postës Shqiptare.

“Në vijim të njoftimit të ditës së djeshme, të strukturave të Hetimit të Krimeve Kibernerike, i cili bënte fjalë për mesazhe (iMessage), që iu dërgohen nga adresa të ndryshme iCloud, përdoruesve të Apple, ju informojmë se në asnjë rast mos klikoni dhe mos plotësoni formularë, pa u siguruar që faqja nga e cila jeni kontaktuar, është faqja zyrtare e institucionit“.

“Nëse ju ka ardhur një mesazh i tillë dhe ju keni shpërndarë të dhënat tuaja personale apo nëse jeni mashtruar nga një aktivitet i tillë, ju ftojmë të paraqiteni pranë zyrave tona”, njofton Policia e Shteti.

/rtsh.al/