Berisha në “arrest shtëpie”, avokatët ankimojnë në Apel masën e sigurisë

Politikë | 3 vite më parë

Avokatët e ish-kryeministrit Sali Berisha kanë ankimuar në Gjykatën e Posaçme të Apelit masën e sigurisë “arrest shtëpie” ndaj tij. Ankimi është dorëzuar sot (3 janar), brenda afatit pesë ditorë.

Berisha është nën hetim për privatizimin e ish-kompleksit sportiv Partizani, ndërsa më 30 dhjetor, Gjykata e Posaçme Kundër Krimit dhe Korrupsionit vendosi arrest shtëpie për ish-kryeministrin Sali Berisha, duke miratuar kërkesën e SPAK. Që pas këtij vendimi Berisha është vendosur nën mbikëqyrje policore.

Ditën e djeshme (2 janar), Berisha u shfaq për herë të parë publikisht pas marrjes së masës “arrest shtëpie”, duke përshëndetur demokratët nga dritarja e banesës së tij. Mbështetës të Berishës u mblodhën poshtë shtëpisë së tij në rrugën “Mustafa Matohiti” në Tiranë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.