Aksident në Rrugën e Kombit. Përplasen dy automjete, 3 persona të lënduar

Aktualitet | 3 vite më parë

Të paktën tre persona mbetën të lënduar pas përplasjes së dy automjeteve në Rrugën e Kombit.

Aksidenti ndodhi mesditën e së dielës në segmentin Rubik–Rrëshen, ku u përplasën dy automjete, njëra me targa të Kosovës dhe tjetra të Shqipërisë.

Përplasja ishte e fortë, duke sjellë përmbysjen në mes të rrugës të njërës prej automjeteve, ndërsa mjeti tjetër përfundoi jashtë rruge.

Të dëmtuarit u dërguan për ndihmë mjekësore në Spitalin e Mirditës, ku një grua ndodhet në gjendje më të rëndë për jetën.

Policia, e cila mbërriti menjëherë në vendin e ngjarjes, ka nisur hetimet për zbardhjen e shkaqeve dhe rrethanave të këtij aksidenti.

Gazetare: Flutura Tota

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.