Në limitin e afateve ligjore, avokatët mbrojtës të Jamarbër Malltezit kanë ankimuar vendimin e gjyqtares Irena Gjoka, që e la atë në masën e sigurisë “arrest me  burg” për dyshimet e korrupsionit dhe pastrimit të parave në dosjen “Partizani”.

Avokati mbrojtës, Klodian Skënderi u pa të dorëzonte këtë të premte apelimin për llogari të klientit të tij. Vetë Malltezi i cilësoi akuzat  sulm politik, ndërsa akuzoi Prokurorinë e Posaçme se ka marrë për bazë “fotokopje” gjithçka ka thënë akuzuesi kryesor në këtë çështje, Taulant Balla.

Në të njëjtën dosje është edhe biznesmeni Fatmir Bektashi i cili,  sipas prokurorëve, ka kryer korrupsion me Malltezin, por ky i fundit nuk e ka ankimuar vendimin e GJKKO për ta lënë atë me masën e sigurisë “detyrim paraqitjeje”.

Një ditë më parë, pas një seance maratonë me lojëra procedural mes avokatëve të ish-kryeministrit Sali Berisha dhe gjykatës, gjyqtarja Irena Gjoka caktoi që ish-kryeministri të paraqitet pranë oficeres së policisë gjyqësore 2 herë në muaj. Gjithashtu atij ju ndalua edhe dalja jashtë vendit.

Gazetar: Kreshnik Mersinllari 

/rtsh/