Lezhë/ Goditi mësuesen me karrige, lihet në arrest shtëpie 16-vjeçari

Aktualitet | 3 vite më parë

Gjykata e Lezhës ka lënë në arrest shtëpie 16-vjeçarin e akuzuar se ka goditur me karrige mësuesen në gjimnazin “Hydajet Lezha”.

Ngjarja u regjistrua më 25 tetor, ndërsa i mituri u njoh këtë të premte me masën e sigurisë, në një seancë me dyer te mbyllura. Mësuesja Majlinda Palushi ndodhet në spital, për shkak të plagëve të marra nga goditja.

Emisioni “Jetë Shqiptare” në RTSH publikoi dje (26 tetor) një video ekskluzive, ku shihej mësuesja Palushi, duke debatuar me një tjetër nxënës.

Gazetarja Lusi Përgjegji bëri me dije se nxënësit e shkollës pretendonin se mësuesja kishte vazhdimisht një sjellje jo të pëlqyeshme me ta.

Hetimet për ngjarjen vijojnë, ndërsa ndaj të miturit rëndojnë dy akuza, goditje për shkak të detyrës dhe plagosje me dashje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.