Ka përfunduar seanca e parë e shqyrtimit të çështjes së Fredi Belerit, kryetarit të zgjedhur të Bashkisë së Himarës, ku avokatët mbrojtës kanë dalë me dy kërkesa.

Avokatët kërkuar zëvendësimin e anëtares së trupit gjykues, avokates Etleva Deda për papajtueshmëri pasi ka dhënë më herët një vendim për Belerin, si dhe cilësimin e pavlefshmërisë të përgjimeve të bëra ndaj Belerit, me pretendimin se janë bërë jashtë procedurave.

Seanca e ardhshme ndaj Belerit është caktuar për më 17 tetor, ku do bëhet ose jo pranimi i paligjshmërisë për përgjimet e kryera ndaj tij.

SPAK-u e ka ngarkuar Belerin me veprën e “Korrupsionit aktiv në zgjedhje”. Nga hetimet e Prokurorisë së Posaçme rezulton se Fredi Beleri ka premtuar 50 euro për çdo person që do të votonte për të.

Më 14 shtator, Gjykata e Posaçme vendosi kalimin e dosjes për gjykim, ndërkohë që Beleri ka kërkuar 6 herë zëvendësimin e masës së arrestit me burg me një masë më të lehtë, por kërkesa është refuzuar nga gjykata.

Beleri u arrestua dy ditë para zgjedhjeve lokale të 14 majit.

/rtsh.al/