Vijon zjarri në pyllin e Pishporos. Terreni shumë i vështirë, zjarrfikësit garantojnë zonat e banuara

Aktualitet | 3 vite më parë

Në zonën e mbrojtur të pyllit të Pishporos në Fier janë riaktivizuar sërish disa vatra zjarri të favorizuara nga era e forte.

Pavarësisht përpjekjeve të forcave zjarrfikëse të ndihmuara nga efektivet e forcave të armatosura dhe punonjës të zjarrfikëseve, flakët nuk po mund të neutralizohen.

Sipas prefektit të qarkut, Lefter Shehaj, terreni është mjaft i vështirë për të ndërhyrë pasi zona e pyllëzuar është me densitet të lartë ndërsa flakët herë pas here dalin jashtë kontrollit.

Banesat dhe zonat e banuara kanë qenë prioriteti i forcave nga terreni të cilët fatmirësisht garantojnë se nuk rrezikohet asnjë shtëpi apo stan.

Zjarri u riaktivizua mesditën e së mërkurës dhe vijon të jetë aktiv, që më 27 shtator.

Gazetar: Kreshnik Mersinllari

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.