Kryetari i Partisë Demokratike, Lulzim Basha, në vijim të turit të tij të takimeve është ndalur sot në Shkodër ku  është takuar me një grup pedagogësh të rinj të Universitetit “Luigj Gurakuqi”.

Në një postim në rrjetin social facebook, Z. Basha shkruan se gjatë takimit ka diskutuar për sfidat me të cilët përballet arsimi shqiptar.

Ai u shpreh se edukimi i brezit të ri, modernizimi i tij dhe rishikimi i teksteve shkollore është një nga prioritetet më të mëdha të Partia Demokratike e Shqipërisë.

“Këtë mëngjes në Shkodër, në takim me pedagogë të rinj, për të diskutuar sfidat e mëdha që ka arsimi shqiptar. Edukimi i brezit të ri, modernizimi i tij, rishikimi i teksteve shkollore, në përmbajtje edhe në formë, është një nga prioritetet më të mëdha të Partia Demokratike e Shqipërisë për të ndërtuar dhe garantuar një të ardhme më të mirë”, -shkruan z. Basha në facebook..

/rtsh.al/