Përplasen dy makina në Fushë Krujë-Krujë, plagosen 3 persona

Aktualitet | 4 vite më parë

Një aksident me pasojë plagosjen e tre personave është regjistruar mëngjesin e kësaj të premte në aksin Krujë-Fushë Krujë.

Një automjet me drejtues një 45-vjeçar është përplasur me një tjetër automjet me drejtues një 23-vjeçar dhe për pasojë ky i fundit dhe tre pasagjerët që ndodheshin në makinën e 45-vjeçarit kanë mbetur të plagosur dhe janë dërguar në spital për të marrë ndihmën e nevojshme mjekësore.

Policia sqaron se “Automjeti me drejtues shtetasin D. Xh., 45 vjeç, ka përplasur automjetin me drejtues shtetasin D. H., 23 vjeç. Si pasojë e përplasjes, është dëmtuar shtetasi D. H., si dhe pasagjerët në automjetin që drejtonte 45-vjeçari, shtetasi H. Z., 26 vjeç dhe shtetasja P. Xh., 15 vjeçe”.

Sakaq, grupi hetimor po punon për sqarimin e rrethanave të këtij aksidenti.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.