Sekuestrohen pasuri me vlerë 150 mijë € në Elbasan, në pronësi të një 63-vjeçari të dënuar në Turqi për drogë

Aktualitet | 4 vite më parë

Pasuri me vlerë 150 mijë euro janë sekuestruar në Elbasan, në pronësi të një 63-vjeçari, pasi dyshohet se e kanë burimin nga aktiviteti kriminal. Nëpërmjet një njoftimi, Policia bën me dije se 63-vjeçari është dënuar nga Gjykata e Krimeve të Rënda Ankara, për veprën penale “Trafikimi i lëndëve narkotike”.

Në total janë sekuestruar 3 pasuri, konkretisht një objekt banimi me sipërfaqe 102.6 m2 dhe oborr me sipërfaqe 250 m2, në lagjen “28 nëntori”, një objekt shërbimi (lokal) me sipërfaqe 28.4 m2, në lagjen “Haxhias” dhe një automjet tip “Mercedes-Benz S-Class”.

Vijon puna për gjurmimin, lokalizimin dhe sekuestrimin e pasurive të tjera që kanë burim veprimtarinë kriminale të shtetasit të identifikuar me inicialet A.M.
Materialet procedurale i kaluan Prokurorisë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.