Fotot e presidentit francez Emmanuel Macron duke goditur një thes boksi kanë shkaktuar reagime në vend.

Të postuara në Instagram nga fotografi i tij zyrtar, imazhet bardh e zi tregojnë Macron duke u stërvitur me një bluzë të ngushtë të errët dhe doreza.

Komentuesit i kanë lidhur imazhet me qëndrimin gjithnjë e më të ashpër të Macron kundër Moskës. Në javët e fundit, Macron ka përsëritur mundësinë e dërgimit të trupave perëndimore në Kiev, duke paralajmëruar për rreziqet e sigurisë evropiane nëse Rusia fiton në Ukrainë.

Ndërkohë, të tjerë bënë krahasime me presidentin rus Vladimir Putin, i cili njihet për postimin e fotove të tij të angazhuar në sporte si xhudo dhe kalërim.

Në një shkrim për gazetën Le Parisien, Philippe Moreau-Chevrolet, ekspert i komunikimit politik dhe profesor në universitetin Sciences-Po në Paris, tha se “Mesazhi ka për qëllim Vladimir Putinin”, duke shpjeguar se presidenti dëshiron të tregojë se është “në luftë”.

/rtsh.al/