Çmimet e MTV Europe Music Awards 2023 që ishin planifikuar të mbaheshin më 5 nëntor në Paris janë anuluar për shkak të konfliktit midis militantëve të Hamasit dhe forcave ushtarake të Izraelit.

Në një deklaratë, organizatorët thanë se vendimi për të anuluar erdhi pas një shqyrtimi të kujdesshëm, duke pasur parasysh interpretuesit dhe ata që marrin pjesë në çmime.

“MTV EMA janë një festë vjetore e muzikës globale. Ndërsa shikojmë ngjarjet shkatërruese në Izrael dhe Gaza që vazhdojnë të shpalosen, ky nuk duket si një moment për një festë globale. Me mijëra jetë të humbur tashmë, është një moment zie”, tha një zëdhënës i kompanisë në një deklaratë.

Shfaqja ishte planifikuar të transmetohej drejtpërdrejt në MTV në më shumë se 150 vende dhe do të mbahej për herë të parë në Paris që nga viti 1995.

MTV tha se EMA-të do të kthehen në nëntor 2024./AP

/rtsh.al/