BE: Vendim i SHBA-ve për të trajnuar pilotët ukrainas, efektiv në luftën ndaj Rusisë

Botë | 3 vite më parë

Shefi i politikës së jashtme të Bashkimit Evropian, Joseph Borrell ka deklaruar se vendimi i Shteteve të Bashkuara të Amerikës për të trajnuar pilotët ukrainas në avionët luftarakë F16 është një vendim që mirëpritet nga Bashkimi Evropian.

“Me Leopardët, me F-16 në fund – vjen vendimi për të ofruar këtë mbështetje ushtarake sepse është absolutisht e nevojshme”, tha Josep Borrell.

Sekretari i Përgjithshëm i NATO-s, Jens Stoltenberg vlerësoi qëndrimin e Borrelit dhe tha se vendimi për të trajnuar pilotët ishte mjaft i domosdoshëm për t’i vendosur avionët në dispozicion të Ukrainës, transmeton Al Jazeera.

“Duke shpallur qartë se ata do të fillojnë stërvitjen – ky është një hap i rëndësishëm që pjesërisht do të na mundësojë të dorëzojmë avionë luftarakë në kohën e duhur”, tha Stoltenberg përpara takimit me ministrat e mbrojtjes të BE-së.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.