Lëshimi i raketës nga Koreja e Veriut alarmon Japoninë, urdhëron evakuimin e banorëve

Botë | 4 vite më parë

Një lëshim rakete nga Koreja e Veriut shkaktoi konfuzion në Japoninë veriore, ku u lëshua një urdhër evakuimi dhe më pas u tërhoq brenda 30 minutave. Sirenat u ndezën nëpër Hokkaido dhe banorëve iu tha të “evakuoheshin menjëherë” të enjten në mëngjes.

Autoritetet thanë se raketa nuk u ul pranë ishullit dhe tërhoqi alarmin. Tensionet janë rritur në rajon, pasi Koreja e Veriut ka lëshuar tashmë 27 raketa këtë vit.

Raketa e lëshuar besohet të jetë me rreze të mesme ose më të gjatë, por detajet se çfarë arme u testua mëngjesin e së enjtes nuk janë bërë ende publike. Japonia, Koreja e Jugut dhe SHBA e kanë dënuar testin e fundit.

Kryeministri i Japonisë, Fumio Kishida, tha se qeveria e tij do të mbajë një takim të Këshillit të Sigurisë Kombëtare./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.