Elon Musk humbet pozicionin e tij në krye të listës vjetore të miliarderëve të Forbes

Botë | 4 vite më parë

Elon Musk është rrëzuar nga kryesimi i “Listës së Miliarderëve të Botës” të Forbes. Shefi i Tesla-s dhe Twitter-it tani është miliarderi i dytë më i pasur, me një vlerë të vlerësuar prej 180 miliardë dollarësh, 39 miliardë dollarë më pak se një vit më parë., raporton CNN.

Sipas Forbes, pasuria e Musk ka rënë për shkak se blerja e tij prej 44 miliardë dollarësh në Twitter, e financuar nga aksionet e Tesla, i trembi investitorët dhe bëri që aksionet e Tesla të fundosen ndjeshëm vitin e kaluar.

Vendi i parë i është dhënë Bernard Arnault, kryetari i gjigantit francez të mallrave luksoze LVMH. Pasuria e tij neto u rrit më shumë se 50 miliardë dollarë vitin e kaluar në 211 miliardë dollarë.

Musk dhe Arnault shpesh ndryshojnë vendet.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.