Lufta/ Kompania gjermane e armëve dëshiron të blejë tanke zvicerane për Ukrainën

Botë | 4 vite më parë

Prodhuesi gjerman i armëve, Rheinmetall bëhet e ditur se po negocion me Kievin për të hapur një fabrikë në shtetin ukrainas, ku do të ndërtohen tanke Panther.

Deri më tani konstatohet se e njëjta kompani dëshiron të blejë 96 tanke Leopard 1 nga firma zvicerane e mbrojtjes Ruag për t’i dërguar në Ukrainë.

Gazeta zvicerane Tages-Anzeiger shkruan se tanket në fjalë janë të përdorura dhe jashtë funksionit, ndërsa thekson se Ruag me sa duket i ka blerë tanket në Itali në vitin 2016 dhe ato janë ende atje.

“Rheinmetall dëshironte të blinte automjetet dhe e bëri të qartë se ato do të dorëzoheshin në Ukrainë pasi të riparoheshin”, tha një zëdhënës i Ruag për Tages-Anzeiger.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.