Dërgimi i armëve, shefi i CIA-s: Kina mund të ndihmojë Rusinë në luftën me Ukrainën

Botë | 4 vite më parë

Shefi i CIA-s, William Burns ka deklaruar se SHBA ka informacione të sigurta se Kina është e gatshme të ndihmojë Rusinë me armë në luftën ndaj Ukrainës.

Megjithatë, sipas inteligjencës amerikane nuk ka një vendim përfundimtar nga Pekini.

“Ne jemi të sigurt se udhëheqja kineze po shqyrton dërgimin e pajisjeve vdekjeprurëse. Megjithatë, nuk ka ende një vendim përfundimtar që të jetë marrë deri më tani dhe nuk shohim prova të dërgesave të pajisjeve vdekjeprurëse” shtoi Burns.

SHBA-ja ka informacione se qeveria kineze po konsideron t’i sigurojë Rusisë drone dhe municione për përdorim në luftën në Ukrainë, thane për CNN tre burime të njohura me inteligjencën.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.