Teksa Presidenti amerikan Joe Biden udhëtoi ditën e djeshme (20 shkurt) drejt Kievit për t’u takuar me presidentin ukrainas Volodymyr Zelensky, këtë të martë, Kryediplomati kinez, Wang Yi do të udhëtojë në drejtim të kundërt të rrugës, drejt Moskës. Sipas Kremlinit, Yi do të takohet edhe me presidentin rus Vladimir Putin.

Nëse takohen, imazhet e Wang dhe Putinit që shtrëngojnë duart brenda Kremlinit të fortifikuar do të jenë një ballafaqim i ashpër me shëtitjen në ajër të hapur të Biden me Zelensky në Kiev mes sirenave të sulmit ajror.

Optika e dy udhëtimeve, që ndodhin vetëm disa ditë para përvjetorit të luftës së Rusisë në Ukrainë, nënvizon mprehjen e linjave të çarjes gjeopolitike midis dy superfuqive të botës. Wang Yi,  i cili u promovua si këshilltari kryesor i politikës së jashtme të liderit kinez Xi Jinping muajin e kaluar,  po zhvillon një turne tetë-ditor në Evropë.

Furnizimi me armë kineze për Rusinë do të rrezikonte një përshkallëzim të mundshëm të luftës së Ukrainës, në një konfrontim midis Rusisë dhe Kinës nga njëra anë dhe Ukrainës dhe aleancës ushtarake të NATO-s të udhëhequr nga SHBA, nga ana tjetër.

Zelensky paralajmëroi gjithashtu se do të ketë një “luftë botërore” nëse Kina vendos të mbështesë Rusinë në luftën e saj kundër Ukrainës, duke thënë se “Kina është e vetëdijshme për këtë”.

/rtsh.al/