I nxehti pushton Europën, Brazili nën dëborë

Botë | 5 vite më parë

Dëborë dhe i ftohti ekstrem në Brazil. Mbrëmja e së mërkurës ka rezervuar një surprizë të jashtëzakonshme në Brazil, ku në disa zona si Santa Catarina, temperaturat luhaten nga zero deri në 5 gradë celsius, ndërsa dje në mbrëmje ato kanë arritur deri në -8 gradë, duke sjellë të ftohtë ekstrem e dëborë në zonat malore në fund korriku.

Agjencitë turistike kanë qetësuar turistët, të cilët në Brazil kanë shkuar për plazh, që të akomodohen për disa ditë në resortet malore.

Valën e parë të të ftohtit jashtë të zakonshmes, brazilianët e përjetuan në fund të qershorit, me dëborën që rikthehet brenda muajit e me qytetarët në dhjetëra qytete që e kanë shijuar atë.

Ndërkohë, krejt e kundërta ndodh në Europë në këto ditë, ku në disa vende temperaturat kanë arritur në mbi 40 gradë celsius./A2

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.