Ministri i Punëve të Jashtme i Kinës Wang Yi bëri thirrje për ndjekjen dhe zbatimin e multilateralizmit të vërtetë për arritjen e paqes afatgjatë dhe sigurisë së përbashkët.
Kreu i diplomacisë kineze e bëri këtë koment në ceremoninë e hapjes së Forumit të 9-të mbi Paqen Botërore, të zhvilluar në Universitetin Tsinghua të Pekinit.
Wang tha se Kina ka këmbëngulur gjithmonë në rrugën e zhvillimit paqësor, ka kundërshtuar hegjemoninë dhe politikën e forcës dhe do t’i ofrojë botës më shumë mundësi gjatë zhvillimit të saj.
Duke theksuar konceptin e krijimit të një bashkësie globale të shëndetit për të gjithë, Wang bëri thirrje për përpjekje urgjente për ndërtimin e një “Muri të Madh” kundër pandemisë së COVID-19, duke lënë mënjanë divergjencat politike.
Lidhur me zgjidhjen e problemit të Afganistanit, ai tha se ShBA-ja duhet të marrë masa të përgjegjshme për të siguruar ecurinë e mbarë të fazës kalimtare të gjendjes në Afganistan.