Kryeministri çek, Andrej Babis i mbijetoi një mocioni mosbesimi në parlament.

Opozita e vendit dështoi në një përpjekje për të përmbysur qeverinë, katër muaj para zgjedhjeve të planifikuara parlamentare.

Pas më shumë se 11 orësh debat, vetëm 89 ligjvënës votuan për rrëzimin e qeverisë duke mos arritur shumicën e kërkuar prej 101 votash në parlamentin me 200 deputetë.

Në thelb, Partia Komuniste organizoi më parë një grevë nga salla e parlamentit në vend që të votonte kundër qeverisë.

“Ne nuk do të marrim pjesë në këtë teatër”, tha udhëheqësi i Partisë Komuniste, Vojtech Filip.

Ka pesë parti konservatore dhe liberale prapa mocionit të mosbesimit.

Ata akuzojnë qeverinë për dështim në luftën kundër koronavirusit.

Për më tepër, Babis u kritikua për konflikt interesi si politikan dhe themelues i një konglomerati biznesi dhe u kërcënua me ndjekje penale për mashtrim me subvencionet e  BE-së. /ATSH