Takimi Haavisto-Lavrov në një atmosferë të tensionuar

Botë | 6 vite më parë

Ministri i Jashtëm finlandez, Pekka Haavisto do të takohet me homologun e tij rus, Sergei Lavrov, të hënën, në Shën Petersburg, në një atmosferë të tensionuar ndërkombëtare.

Takimi mes të dy ministrave mbahet në një atmosferë problematike, sidomos mes BE-së dhe Rusisë.

Çështja numër një në një konferencë shtypi mes dy ministrave, të planifikuar të fillojë në 12 të mesditës, sipas kohës finlandeze, do të jetë fati i Navalny, i cili u dënua me burgim, në fillim të këtij muaji.

Sipas Ministrisë Finlandeze për Punët e Jashtme, temat e tjera në kuadër të këtij takimi përfshijnë marrëdhëniet BE-Rusi, protestat në Bjellorusi, situata në Ukrainë dhe fundi i fundit i luftës Nago-Karabak.

Lavrov dhe Haavisto janë takuar së fundmi në Helsinki në mars të vitit të kaluar./RTKLive

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.