Brazil, vaksina kineze përfshihet në planin për imunizimin kombëtar

Botë | 6 vite më parë

Brazili planifikon të përfshijë një vaksinë kineze në programin për imunitetin kombëtar, deklaruan zyrtarët vendas.
Guvernatori i Sao Paolos tha se qeveria federale është dakordësuar që të blejë 46 milionë doza të vaksinës “CoronaVac”, njofton “BBC”. Ai tha gjithashtu se programi i imunitetit kombëtar do të nisë në janar të vitit 2021, duke e bërë Brazilin vendin e parë në botë që bën një përpjekje të këtyre përmasave për të luftuar pandeminë.
Brazili mbetet një nga vendet më të goditura nga koronavirusi me gati 5.3 milionë raste të konfirmuara dhe qëndron në vend të tretë pas SHBA-së dhe Indisë për nga numri i viktimave, me 155 mijë të vdekur deri tani.
Gjithashtu, vendi i Amerikës Latine po synon të administrojë edhe një vaksinë të krijuar nga Universiteti i Oksfordit në Angli dhe “AstraZeneca”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.