Panairi i punës tek fakulteti ekonomik, Ministri Gonxhe apelon për rritje pagash në sektorin privat

Ekonomi | 3 vite më parë

Panairi i Punës që është çelur sot në Fakultetin e Ekonomisë të Universitetit të Tiranës. Rreth mbi 60 kompani të sektorit bankar, konsulencës dhe telekomunikacionit, turizmit, inovacionit dhe stur- up morën pjesë në këtë event.

Gjatë fjalës së tij në tryezën e diskutimeve mes përfaqësuesve të biznesit dhe akademikeve, ministri i Ekonomisë Kulturës dhe Novacionit, Blendi Gonxhja vuri theksin te rritja e pagave edhe në sektorin privat.

“Ne do të bëjmë çmos të rrisim pagat, si një instrument i rëndësishëm që sjellin rritje të konsumit dhe të ekonomisë. Ne do të bëjmë këtë vit një reformë të plotë të pensioneve, si një faktor motivues për të gjithë ata që bëjnë një plan angazhimi për t’u punësuar”, tha ministri Gonxhja.

Studentët dhe kompanitë e shohin Panairin e Punës si një mundësi të mirë për të zhvilluar aftësitë profesionale si dhe rekrutimin e punonjësve.

Panairi i Punës në Fakultetin Ekonomik tashmë është kthyer në traditë që prej 2018-tës.

Gazetare: R.Dunisha  

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme