Rriten sipërfaqet me patate në Maliq, shkak, çmimi i favorshëm i shitjes vitin e kaluar

Rriten sipërfaqet e mbjella me patate në fushën e Maliqit. Për shkak të çmimit të mirë të shitjes gjatë vitit të kaluar fermerët këtë vit kanë mbjellë edhe 100 Ha më shumë me këtë kulturë bujqësore, duke e çuar në gati 800 Ha sipërfaqen totale të mbjellë me patate
Edhe këtë vit sipas Arben Dulellarit, Drejtor i Bujqësisë në Bashkinë Maliq ka pasur vështirësi për gjetjen e farërave cilësore të cilat vijnë nga importi, por pavarësisht kësaj mbjellja është arritur të realizohet.
Në të gjithë qarkun e Korçës në total mbillet një sipërfaqe prej më shumë se 2000 Ha me patate ndërsa realizohet një prodhim prej më shumë se 60 mijë ton.
RTSH
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




