Jo më pak se 1 miliard e 540 milionë lekë apo afërsisht 15 milionë euro kanë lënë shqiptarët jashtë kufijve për t’u siguruar mjetet në udhëtimin jashtë shtetit. Lajmin e bën të ditur autoriteti i Mbikqyrjes Financiare që raporton se numri i kontratave të Kartonit Jeshil u rrit mbi 42%.

Kjo është tabela e këtij institucioni që raporton të dhënat e këtij viti në këtë tipologji sigurimi të mjetit në udhëtim jashtë vendit.

Nga shifra e sigurimit, numri i shqiptarëve që kanë udhëtuar jashtë kufijve këtë vit, veçanërisht gjatë periudhave festive, ka shënuar rritje të fortë. Nga të dhënat zyrtare të Autoritetit, rezulton se numri i kontratave të kartonit jeshil, sigurimi që paguan çdo mjet shqiptar që del jashtë kufirit, është rritur me afër një herë e gjysmë dhe kjo vetëm për periudhën janar-tetor 2023.

Kartoni jeshil është një sigurim të detyrueshëm që duhet ta paguajnë mjetet me targa shqiptare që qarkullojnë jashtë territorit të Republikës së Shqipërisë. Rezulton se shqiptarët kanë paguar rreth 15 milionë euro për të siguruar mjetet për të lëvizur jashtë kufijve gjatë periudhës janar-tetor të këtij viti.

I gjithë tregu i sigurimeve ka njohur rritje të fortë gjatë vitit 2023. Të dhënat e Autoritetit të Mbikqyrjes Financiare tregojnë se të ardhurat nga primet e shkruara bruto të sigurimit për muajin janar-tetor 2023 kapën vlerën 18,8 miliardë lekë, rreth  10 % më shumë se në janar-tetor 2022. Edhe numri i kontratave të sigurimit, të lidhura arriti në 1 milion e 212 mijë, shumë më tepër se një vit më parë.

Edhe bilanci neto i turizmit tregon një balancë në shpenzimet e turistëve të huaj me shqiptarët që kanë pushuar jashtë vendit.

Gazetar: Bardhi Sejdarasi

/rtsh.al/