Çmimi i ujit nuk ndryshon/ ERRU refuzon kërkesat e ndërmarrjeve të ujësjellësave Shkodër, Elbasan e Berat

Ekonomi | 3 vite më parë

Tre aplikime nga ndërmarrje e ujësjellës-kanalizimeve për tarifa të reja janë rrezuar nga Komisioni Kombëtar Rregullator, pjesë e Entit Rregullator të Ujit.

Enti ka analizuar për secilin rast arsyet e këtij refuzimi, së pari për shoqërinë rajonale Ujësjellës-Kanalizime, Qarku i Shkodrës.

Shoqëria në fjalë, kishte dorëzuar aplikimin në 29 shtator 2023, por nuk  ka një licencë aktive e cila duhet t’i jepet nga ERRU.

“Vetëm operatorët e licencuar kanë të drejtë të aplikojnë për tarifa shërbimi ujësjellës-kanalizimesh pranë ERRU-së, është kusht i domosdoshëm pajisja e shoqërisë me licencë për ushtrimin e veprimtarisë së furnizimit me ujë dhe largimit e përpunimit të ujërave të ndotura nga ERRU-ja përpara aplikimit për nivel të ri tarifor”. 

Shoqëria e dytë aplikuese, ajo e Elbasanit, në datë 29 shtator, ka kërkuar unifikim tarifash për tarifat fikse, për shërbimin e furnizimit me ujë të pijshëm dhe largimin e ujërave të ndotura për klientët e Shoqërisë Rajonale Ujësjellës-Kanalizime Elbasan SH.a.

Argumentimi i rrëzimit të kërkesës janë sipas komisionin disa pasqyra financiare te pafirmosura nga ujësjellësi i Librazhdit që është pjesë e kësaj ndërmarrje pas reformës së agregimit.

Një tjetër element është ai që shoqëria s’ka respektuar aktmarrëveshjen e nënshkruar me ERRU-në për shlyerjen e detyrimeve të prapambetur.

Për refuzimin e kërkesën nga shoqëria e tretë, atë të qarkun e Beratit enti vlerëson se në aplikimin e dorëzuar në 29 shtator mungojnë disa aspekte.

“Për miratimin e ndryshimit dhe unifikimit të tarifave UK për njësitë: Berat, Kuçovë, Dimal, Poliçan dhe Skrapar mungon nënshkrimi i propozimit për nivelin e ri tarifor për secilën njësi. As pagesat rregullaratore nuk janë respektuar sipas aktmarrëveshjes”.

Shoqëritë e ujësjellës-Kanalizimeve i janë nënshtruar dy viteve të fundit një reforme që synon bashkimin e tyre duke krijuar ndërmarrje më të mëdha. Pjesa më e madhe e këtyre bashkimeve tashmë ka përfunduar.

Gazetare: Amela Koçerri

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme