Indeksi i Harmonizuar i Çmimeve të Konsumit në muajin Janar  është 7,1 %.

Sipas Institutit të Statistikave rritja me e madhe e çmimeve vërehet në grupin “Ushqime dhe pije joalkoolike”, ku rritja është 11,8 % brenda këtij grupi çmimet e nëngrupit “qumësht, djathë dhe vezë” u rritën me me 26,4 %, pasuar nga nëngrupet “vajra dhe yndyrna” me 21,4 %, “peshk” me 17,3 %, “bukë dhe drithra” me 15,3 %, “mish” me 14,4 %, “sheqer, reçel, mjaltë, çokollata dhe mbëlsira” me 14,3 %, “zarzavate përfshirë patatet” me 7,0 %.

Rritje gjatë janarit kanë shënuar edhe çmimet në grupet “Transporti” me 6,9 %, “Mobilim, pajisje shtëpie dhe mirëmbajtje” me 6,7 %, “Veshje dhe këpucë” me 5,3 %, “Pije alkoolike dhe duhan” me 4,7 %, etj .

Në muajin Janar 2023, ndryshimi mujor i matur nga Indeksi i Harmonizuar i Çmimeve të Konsumit është 1,1 %. Ky ndryshim është ndikuar kryesisht nga rritja e çmimeve të grupit “Ushqime dhe pije joalkoolike” me 2,8 %.

Krahasuar me muajin Dhjetor 2022, çmimet e grupit “Ushqime dhe pije joalkoolike” u rritën me 2,6 %, pasuar nga grupet “Transporti” me 0,7 %, “Hotele, kafene dhe restorante” me 0,6 %.

Ndersa krahasuar me muajin janar 2022, rritja më e madhe e çmimeve vërehet në grupin “Ushqime dhe pije joalkoolike” me 13,3 %, pasuar nga grupet “Mobilje, pajisje shtëpie dhe mirëmbajtje e shtëpisë” me 6,6 %, “Transporti” me 6,5 %, “Hotele, kafene dhe restorante” me 5,6 %, “Pije alkoolike dhe duhan” me 5,1 %, “Veshje dhe këpucë” me 4,1 %, “Mallra dhe shërbime të ndryshme” me 3,6 %.

/rtsh.al/