Gjermania refuzon ofertën e presidentit Putin për gaz

Ekonomi | 4 vite më parë

Presidenti Putin fajësoi Perëndimin për intensifikimin e krizës globale të energjisë. Por ai tha sot në forumin energjetik të Moskës se rubinetat e gazit mund të hapen për furnizimet ruse në BE, nëpërmjet tubacionit Nord Stream 2.

Pavarësisht deklaratës së Putinit, një rifillim i furnizimit me gaz nuk ka gjasa të ndodhë. Nord Stream 2 u ndërpre për shkak të pushtimit të Ukrainës. Dërgimi i gazit rus në Evropë duke përdorur Nord Stream 1 është ndërprerë për muaj të tërë.

BE-ja ka akuzuar Rusinë për shantazh lidhur me furnizimet me gaz ndaj Perëndimit, akuzë që Kremlini e ka mohuar vazhdimisht. Gjermania hodhi sot poshtë me shpejtësi ofertën e re të Putinit për të dërguar gaz përmes Nord Stream 2. BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.