Në emisionin ‘3D’ në RTSH, deputeti i PD-së, Luan Baçi deklaroi se Gazment Bardhi e njeh Berishën si kryetar të PD-së, pavarësisht e do apo nuk e do? Por, a i ka ofruar gjë Berisha, Bardhit, që i shkoi poshtë ballkonit? Kjo ishte pyetja e bërë nga analisti Arjan Curi. Deputeti Baçi këmbënguli se “asgjë”.

“Bardhi, atë që ishte ‘de- facto’ dhe në media artikulohej se do të gjendej një artific, tani është brenda. Tani s’janë më 2 grupe më. E do apo nuk e do, e njeh apo nuk e njeh, janë dy gjëra të ndryshme. E di që Bardhi nuk e do Berishën, por e njeh tani si kryetar të PD-së. Ai vjen në protestën e thirrur nga Berisha. Këtu ka mbaruar historia.”, tha Baçi.

Por analisti Curri këmbënguli se tani fillon historia Berisha- Bardhi.

“Çfarë i ka afruar Berisha, Bardhit? E pata thënë që Bardhi do të ndryshojë kur të kthehej nga Amerika.”, tha Curri.  

“Asgjë nuk i ka ofruar. Çdo gjë ishte spontane. Bardhi ishte me mua në krah dhe erdhi te Berisha.”, kundërshtoi Baçi.

/rtsh.al/