Bardhi ironizon Këshillin e Sigurisë: “Këshilli i Sigurimit të Gysit”
Pas mbledhjes së Këshillit të Sigurisë Kombëtare, të thirrur nga Presidenti Bajram Begaj, ka reaguar kreu i grupit parlamentar të PD-së, Gazment Bardhi. Në një konferencë për mediat, Bardhi e komentoi me ironi mbledhjen, duke e cilësuar atë si “Këshilli i Sigurimit të Gjyshit”.
Në reagimin e tij, kreu i grupit parlamentar të PD-së u ndal edhe te çështja e ish-drejtoreshës së SHISH-it, Vlora Hyseni. Bardhi ngriti pikëpyetje mbi procesin e emërimit të saj në krye të institucionit të sigurisë dhe kërkoi shpjegime mbi rolin e Presidentit Bajram Begaj në këtë vendimmarrje.
Sipas Bardhit, duhet të sqarohet se kush e propozoi Hysenin për këtë detyrë dhe mbi çfarë kriteresh u bë përzgjedhja e saj.
Në përfundim, ai kërkoi që Edi Rama të japë llogari për vendimmarrjen e qeverisë dhe përgjegjësinë institucionale, duke e mbyllur deklaratën me kërkesën për dorëheqjen e Kryeministrit.
/RTSH/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
Më të lexuarat
