Presidenti francez Emmanuel Macron nuk ka humbur kohë për t’i kthyer një përgjigje plot stil “shigjetave” diplomatike që erdhën nga Uashingtoni. “Nuk do të ishte aspak një fat i keq që bota të fliste gjuhën e Molierit,” deklaroi me buzëqeshje lideri francez për mediat e vendit të tij.

Macron e vlerësoi ironinë e monarkut britanik si një tregues të miqësisë së ngushtë dhe historisë së përbashkët që lidh tre shtetet. “Frëngjishtja është gjuha që ka frymëzuar revolucionet dhe lirinë, ndaj do t’i shkonte shumë edhe Amerikës,” shtoi ai duke qeshur.

Ky reagim erdhi menjëherë pasi Mbreti Charles i Tretë vodhi vëmendjen gjatë darkës zyrtare me presidentin Donald Trump. Monarku britanik vendosi të bënte një shaka të hollë, duke u ndalur te roli i Britanisë në pavarësinë e Shteteve të Bashkuara.

“Zoti President, duhet ta pranoni se pa ndërhyrjen tonë, ju sot do t’i drejtoheshit sallës në frëngjisht,” u shpreh mbreti mes duartrokitjeve. Kjo batutë ishte një kundërpërgjigje direkte ndaj deklaratave të vjetra të Trumpit, i cili shpesh thotë se pa SHBA-në, Europa do të fliste gjermanisht. Momentet e humorit mes liderëve u bënë menjëherë virale, duke treguar një tjetër anë të marrëdhënieve mes fuqive të mëdha.

/rtsh.al/