Quhet Mark Belingam dhe thuhet se prej tij Xhud ka trashëguar “genet” e goleadorit. Në Britani personazhi i momentit është mesfushori i Realit të Madridit, i cili në këtë fillim sezoni ka surprizuar jo pak me aftësinë për të shënuar gol.

Mark Belingam në rininë e tij ka shënuar mbi 700 gola në 25 vite karrierë në Ligat jo profesioniste në Angli. Ai ka punuar si oficer policie ndërsa tani njihet në ambinetet e futbollit edhe si një menaxher mjaft i ashpër.

Ka qenë pikërisht Mark Belingam, ai që ka negociuar me Realin për shifrat e transferimit të Xhud nga Dortmundi në Madrid. Në rininë e tij Mark ka vuajtur dy dëmtime të rënda në gju dhe për këtë motiv karriera e tij si futbollist nuk mori asnjëherë rrugën e duhur.

Ndryshe ka ndodhur me të birin, Xhud. Edhe pse aktivizohet për njërin prej ekipeve më të mëdhenj të kontinetit po habit me “nuhatjen” përpara portës…