Chelsea, fitore e vuajtur ndaj Crystal Palace

Angli | 3 vite më parë

Kthim te suksesi për Chelsean, i cili mundi 2-1 Crystal Palace në ndeshjen e vlefshme për javën e 19-të të Premier League. Mudryk hapi sfidën në minutën e 13-të me një asistim të Gusto, më pas Olise u përgjigj në kohën shtesë në pjesën e parë. Episodi që vendos ndeshjen erdhi në minutën e 89-të, kur Eze me naivitet rrëzon Madueke në zonë dhe vetë ish-lojtari i PSV-së konvertoi penalltinë që u dha fitoren bluve.

Në këtë sfidë, sulmuesi kuqezi Armando Broja e nisi nga stoli për tu aktivizuar më pas në pjesën e dytë, në minutën e 71-të në vend të Mudryk, autorit të golit të parë. Kjo fitore e ngjit skuadrën e Pochettino në kuotën e 25 pikëve në renditje, ndërsa Crystal Palace mbetet me 18 pikë.

Wolverhampton gjithashtu buzëqesh, duke fituar 4-1 në shtëpinë e Brentford dhe duke mbajtur ritmin me Blutë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.