Analisti Aleksandër Çipa, ka ngritur alarmin e gjendjes së familjes shqiptare, sidomos jashtë zonave urbane të vendit.

Në emisionin “3D nga Alban Dudushi”,  Çipa deklaroi se, “ky rast ka ekspozuar  në vëmendjen e opinionit publik një dukuri shumë tronditëse.  Në  këndvështrimin tim nuk është thjesht sociale por është antropo-shoqërore”.

Sipas tij, në këtë vend ka shumë kriza por një ndër krizat më të patrajtuar është kriza morale dhe kriza e shëndetit mendor dhe kryesisht e individëve që jetojnë në periferi të vendit.

“Ky rast është një shembull për të kuptuar se çfarë ndodh me familjen tona në periferi.  Kjo tregon që çfarë dimensioni real ka ky patriarkalizëm në perimetrin e jashtëm të shoqërisë urbane ”theksoi analisti Çipa.

Gjithashtu ai ngriti shqetësimin se askush nuk e merr ne vëmendje dhe nuk investohet për këtë gjë, përjashto ndonjë shoqatë shoqërisë civile që kanë ndonjë projekt.

“Kaq shumë tragjedi në këtë pak Shqipëri ”tha Çipa.

/rtsh.al/