Gratë dhe vajzat vijojnë të jenë në situatë të vështirë sa i përket fenomenit të dhunimit apo eliminimit të tyre nga bashkëshortët apo bashkëjetuesit.

Sevim Arbana, një nga aktivistet kundër fenomenit, thotë se situata sa vjen e rëndohet, ku në 11 muajt e parë të këtij viti janë vrarë 22 vajza e gra shqiptare, në Shqipëri dhe jashtë saj.

Arbana e sheh me shqetësim edhe mosfunksionimin e mekanizmit të referimit, i cili nëse funksionon siç duhet mund të ndihmojë më shumë viktimat e dhunës.

Por ajo ka edhe një mesazh për çdo grua apo vajzë. Nga të dhënat e grumbulluara, rezulton se, 12 mijë gra të dhunuara kanë kërkuar ndihmë në katër vite dhe 40 të tjera janë vrarë në këtë periudhë.

Nga janari deri në fund të nëntorit, vetëm në Shqipëri, janë eliminuar 9 gra e vajza në Tiranë, Gramsh, Durrës, Elbasan dhe Përmet.

Gazetare: Flutura Tota

/rtsh.al/