Dialogu Kosovë–Serbi/ Pas bisedës me Kurtin, Lajcak takon sot presidentin Vucic

Rajon | 3 vite më parë

Presidenti serb Aleksandar Vucic (lexo Vuçiq) do të takohet sot (30 gusht) me përfaqësuesin special të BE-së për dialogun ndërmjet Beogradit dhe Prishtinës dhe çështje të tjera rajonale të Ballkanit Perëndimor, Miroslav Lajcak (lexo Lajçak).

Takimi do të mbahet në godinën e Sekretariatit të Përgjithshëm të Presidentit të Republikës dhe vjen fill pas bisedës mes Lajçak dhe Kryeministrit Albin Kurti në Bled gjatë Forumin Strategjik në Slloveni.

Gjetja e një rruge për normalizimin e situatës mes Serbisë dhe Kosovës dhe zbatimi i marrëveshjes së 3 qershorit pritet të jetë në fokus të takimit Lajçak-Vuçiq.

Në takimin me Kurtin, i dërguari i posaçëm i Bashkimit Evropian për dialogun, bisedoi për raundin e ri të bisedimeve të nivelit të lartë, që parashikohet të mbahet në shtator.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.