Kancelari gjerman Olaf Sholz ka vendosur të emërojë Boris Pistorius si Ministër të Mbrojtjes, pas dorëheqjes nga ky post i Kristine Lambreht. Sipas një njoftimi të publikuar në faqen zyrtare të qeverisë gjermane, 62 vjecari Pistorius, I cili që nga viti 2013 ka shërbyer si ministër i Brendshëm i landit të Saksonisë së Poshtme, do të marrë të enjten emërimin në detyrë nga presidenti I vendit dhe më pas do të betohet në Bundestag.

“Jam shumë I kënaqur të kem një politikan të shquar në postin e ministrit të mbrojtes. Pistorius është një politikan me përvojë të jashtëzakonshme, i sprovuar dhe i testuar në administratë, që ka vite që merret me politikën e sigurisë. Me kompetencën, këmbënguljen dhe zemrën e tij të madhe, është pikërisht personi i duhur për të udhëhequr ministrinë”, u shpreh kancelari gjerman.

Marrja e detyrës nga Pistorius vjen para se një grup kontakti për mbrojtjen e Ukrianës të takohet në bazën ajrore amerikane në Ramshtajn të Gjermanisë, takim ky i organizuar nga sekertari amerikan i mbrotjes Lloyd Austin që do të përqëndrohet tek kriza në Ukrainë dhe çështje të sigurisë me të cilat po përballen aleatët dhe partnerët e NATO-s.

Pistorius caktohet në detyrën e ministrit të Mbrojtjes pasi Lambreht u dorëhoq të hënën, I cili u bë subjekt kritikash për shkak të një sërë gafash dhe problemesh me marrëdhëniet me publikun.

/rtsh.al/