Gara inaguruese e sezonit të Formula 1 do të ketë publikun të disponueshëm në tribuna. Në Bahrein, spektatorët do të jenë atje, por ata duhet të jenë të vaksinuar ose të shëruar nga Covid-19. “Për të siguruar që evenimenti mund të vazhdojë në një mjedis të sigurt dhe në përputhje me këshillat shëndetësore të qeverisë – lexohet në një shënim – biletat do të jenë në dispozicion vetëm për njerëzit e vaksinuar ose të shëruar nga Covid-19. Masat do të vendosen të plota në cirkuit, për të siguruar që spektatorët të mund të shijojnë spektaklin e F1 në një mjedis të sigurt”

Fjalët e CEO të cirkuitit – “Në nëntor dhe dhjetor të vitit të kaluar ne patëm kënaqësinë të presim heronjtë tanë të shëndetit si spektatorë – shpjegoi CEO i cirkuitit, Shaikh Salman bin Isa Al Khalifa -. Këtë herë ne jemi të kënaqur që jemi të hapur për një grup më të gjerë tifozësh. Unë jam mirënjohës për mbështetjen e marrë nga qeveria dhe falënderoj task forcën kombëtare dhe ministrinë e shëndetësisë për luftën kundër koronavirusit”. Gjithçka është gati për garën e parë të sezonit, duke pritur të kuptohet se sa njerëz do të marrin pjesë në Grand Prix.