“Nuk e dija se do të ishte kaq emocionuese, që në momentin kur hynni në ambjentet e cirkuitit në Maranello, aty ku përballesh me historinë. Emocione special, të paharruara”.

Carlos Sainz tregon emocionet e ditëve të para të punës me një Ferrari. Piloti nga Madridi, përmes një video të publikuar në rrjetet sociale, nuk i fsheh emocionet: “Megjithëse isha shumë nervoz, kam kam bërë gjumë të mirë, 7 apo 8 orë. Jam zgjuar në 6.30, kishim shumë takime. Kur u zgjova isha pak nervoz, por më pas u përqëndrova totalisht te objektivat”.

Në total, spanjolli ka realizuar 150 xhiro, në timonin e SF71H, makina e përdorur në Botërorin e vitit 2018 në Formula 1. “Është e dobishme në shumë aspekte të ngasësh një makinë të tre sezoneve më parë. Si të filloni të mësoni të përdorni timonin e një Ferrari, të gjithë janë gjithmonë të ndryshëm”, pranon Sainz.

Kontaktet e para me ekipin: “Përshtypjet e para janë të vështira për tu përcjellë. Ishte një ditë plot ndjesi të veçanta, duke filluar me punën e bërë me inxhinierët, një ditë pozitive. Fillova të punoj me inxhinierët dhe mekanikët, në start, në timon”.