Besimtarët bektashinj festuan këtë 14 maj, ditën  e themelimit të Teqesë së Baba Aliut në Alipostivan të Përmetit.

Të ardhur nga qytete të ndryshme të vendit dhe me një bagëti me vete, si simbol për të nderuar shenjtorët e kësaj teqeje, besimtarët kanë uruar për më shumë paqe e shëndet. 

Baba Hekurani, në mesazhin e tij kushtuar të gjithë besimtarëve tha se “dyert e kësaj teqeje janë gjithmonë të hapura, jo vetëm për bektashinjtë por për të gjithë shqiptarët kudo që janë”. 

Historia e teqes së Alipostivanit  lidhet edhe me bashkëpunimin e ngushtë me teqenë e Frashërit, si dhe  ruajtjen dhe zhvillimin e traditave bektashiane.

Ky objekt fetar  përveçse ka vlera shpirtërore për besimtarët bektashianë , shihet edhe si një vlerë e shtuar kulturore e turistike në thesarin e vlerave përmetare dhe të Parkut Kombëtar të Vjosës  për vizitorët vendas dhe të huaj.

Gazetare: Leonida Kociu

/rtsh.al/