9 të dyshuar për trafikim dhe import të kokainës në sasi të mëdha, mes tyre edhe tre shqiptarë, u arrestuan të enjten nga policia në katër lande të ndryshme të Gjermanisë.

Policia dhe dogana gjermane njoftuan se të arrestuarit janë të moshave 26 dhe 41 vjeç.

Të pandehurit nga Gjermania, Shqipëria dhe Maqedonia e Veriut, tre shtetas për secilin vend, mësohet se përdornin punonjës të porteve detare për të magazinuar kokainën brenda kontejnerëve që vinin nga jashtë.

Dy javë më parë autoritetet konfiskuan rreth 240 kg kokainë në një kontejner me origjinë nga Amerika e Jugut, të depozituar në portin e O’Svaldkait. Gjatë aksionit u prenë edhe 15 fletarreste me kërkesë të prokurorëve nga Humburgu, Saksonia e Ulët dhe dy qytete të tjera.

Shefi i Policisë Kriminale në Hamburg, Jan Hiber (o. Hieber), dhe Matias Firmond (o. Matthias Virmond) nga Zyra për Hetimet Doganore deklaruan se autorët në port kishin një rol qendror në kontrabandim dhe u bënë fokusi i autoriteteve ligjzbatuese. “Më shumë sesa konfiskimi i kokainës është identifikimi me sukses dhe çmontimi i strukturave të organizuara kriminale,” tha Firmondi.

/rtsh.al/