Kthimi i Mason Greenwood në fushë dhe debutimi për Getafen u dëmtua nga disa thirrje tronditëse nga tifozët e Osasunës. Anglezi, i cili nuk kishte luajtur një ndeshje konkurruese për 19 muaj pas akuzave për përdhunim nga e dashura e tij, bëri debutimin e tij zyrtar për ekipin e tij të ri në një fitore 3-2 në Coliseum Alfonso Perez.

Greenwood hyri në lojë në minutën e 77-të, i përshëndetur me brohoritje inkurajimi nga tifozët vendas. Megjithatë, sektori i vizitorëve e goditi atë me një kor tronditës. Në fakt nga tribuna nisi brohoritja “Greenëood vdis”, e cila megjithatë nuk ia hoqi përqendrimin anglezit që ishte vendimtar në krijimin e mundësisë për golin e fitores së Getafes.

Një vëzhgues i La Ligës i pranishëm në stadium dëgjoi thirrjet dhe tashmë po përgatitet për një goditje dënimi për Osasunën. Për këtë çështje foli edhe trajneri i ekipit, Jogoba Arrasate, i cili dënoi thirrjet: “Ai është një lojtar i shkëlqyer dhe sistemi gjyqësor tashmë ka shprehur mendimin e tij për rastin. Thirrjet kundër tij ishin të shëmtuara, por edhe ato kundër nesh duhet të jenë të raportuar”.