Greqia përfshihet nga moti i keq, mbyllen shkollat

Greqi | 6 vite më parë

Edhe Greqia është përfshirë prej ditësh nga moti i keq që ka pushtuar rajonin. Duke marrë parasysh temperaturat e ulëta në takimin e ministrit të Arsimit me guvernatorët e zonave të vendit u ra dakord pezullimi i mësimit në shkolla, deri në një moment ku do cilësohet e përshtatshme prej autoriteteve vendore.

Ky vendim përfshin edhe kopshtet. Sikurse tek ne dhe shume shtete të tjera procesi mësimor do të zhvillohet online.

Në shumë rrugë nacionale qarkullimi i automjeteve bëhet vetëm me ndihmën e zinxhirëve. Athina dhe periferitë e saj janë përballur me probleme te mëdha në qarkullimin e makinave prej mëngjesit të së hënës kur vala e motit të keq ka zbritur në jug të vendit.

Autoritetet kanë bërë thirrje që qytetaret të kufizojnë lëvizjet e tyre për shkak të motit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.